要為自己而忙 - 你覺得「忙」嘅定義係咩?

更新日期:5月 29

香港人真係好忙,成日都有做唔完嘅事情,每日24小時都唔夠用,「忙碌」就好似係香港人嘅代名詞。忙唔係問題,問題係你忙緊咩嘢?你為邊個而忙?



諗一諗,忙緊咩嘢


我哋就算忙,都要知道自己忙咩嘢,當了解情況之後,先可以為自己創造更多時間。而另一個嘅重要問題——就係你為邊個而忙?呢個答案會講畀你聽忙係咪值得。你為自己而忙?為家人而忙?定係為老細而忙?


你嘅人生係屬於你自己,忙嘅原因係由於將時間用到盡,咁你就要諗吓呢啲屬於你自己嘅時間,用咗係邊個身上?例如用喺自己同屋企人,咁當然值得!但將原本屬於你嘅時間貢獻畀老細,咁就要諗吓係咪值得?



多人做,唔一定啱


多數人做嘅事唔代表一定啱,人哋行嘅路唔代表你要跟住行。你要記住,時間係屬於你嘅,當你將寶貴嘅時間賣畀人哋嘅時候,就要諗吓獲得嘅係咪值得?


可能你會話,每日忙碌嘅原因係由於工作時間長,咁都無辦法,因為付出咗呢啲時間先可以換取生活費。可能你每日付出咗12個鐘,咁樣忙法得到嘅只有基本人工,但係你老細就因為你嘅忙而越來越有米,仔細諗清楚,係咪值得?


我哋身處喺資本主義社會,跟咗一套財富規則去行,當打工仔越忙,得到更多回報嘅係老細,打工仔嘅人生從來唔係為自己而忙,反而係為老細而忙,為同自己唔相關嘅事而勞碌一世,換取唔對等嘅回報,咁樣真係值得?



要為追夢而忙


每個人都有自己嘅夢想,有自己想做嘅事,若果你依家忙碌嘅係自己嘅夢想,咁真係要恭喜你!我哋嘅人生係我哋自己嘅,時間係自己嘅,若果一生只係為人哋而忙,咁自己存在嘅意義去咗邊呢?


所以當你為人哋而忙,若果呢件事嘅回報係唔對等,咁最好盡快停止呢個模式,諗吓點建立另


一條出路。路係冇具體同特定嘅方向,關鍵係——你要由你嘅夢作為思考點,再由呢度作為起點去建立道路,亦只有你行呢條路,你嘅人生先至係屬於你,「忙」先顯得有格外嘅意義!



點子追夢


如果你有一個夢想去做一次生意,但係又唔知道點樣入手?咁啱喇!你搵我哋啦,我哋會幫你訂立一系列嘅工


具,再將你最重要嘅嘢宣傳出去,成為你In-house嘅一份子,盡力做好網上數位嘅宣傳,為黃色經濟圈出一分力,一齊努力,勇敢追夢。

138 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有