一罩難求,港人自救?口罩自救懶人包

更新日期:5月 29

武漢肺炎殺到,口罩係基本需要?但香港一罩難求?


對於近日香港政府喺口罩方面嘅供求監管制度問題,我哋就唔喺呢到繼續討論——想講嘅係口罩會唔會比商人囤積居奇,之後香港人又應該點樣去保護自己先係重點。


Hong Kong Sars 2020 mask shortage

依家周街都已經冇口罩賣,就算有得賣都要排長龍,部分藥房甚至已經坐地起價,有$300一盒嘅口罩出現,就連網上嘅平台都已經賣緊貴口罩。


隨住社區爆發嘅開始,意味住下一輪嘅口罩需求會更激烈,價格又會再進一步提升,加上依家有部分商戶已經開始囤積口罩,預料口罩只會愈爭愈烈。


其實大家有冇諗過用其他方法去打呢場仗呢,其實咁排隊法可能分分鐘會惹到病毒,又或者諗到其實貴價口罩都已經冇左質數上嘅保證,究竟香港人下一步要點行先好呢!?


屈指一算,香港人口大約有780萬,如果每人每日戴一個,就已經要用156,000盒,相信就算係減至三分一,數量亦非常龐大。


我哋都有諗,如果屋企冇晒口罩而出面又賣成$300一個,我哋嘅決定會係點呢?——係決定唔戴!原因係我哋唔想助長呢種炒高價食人血饅頭嘅生意,歸根究底,矛頭應該係指向政府,呢個責任唔應該由市民全部負擔。


喺呢個情況下,怪責當然係無用,所以我哋喺到呼籲如果你哋有多出嚟嘅口罩,不如加入我哋嘅平台,我哋可以幫手賣出去,當中口罩嘅品質亦都需要得到認證。大家得到口罩之餘,亦都可以喺一個安心可靠嘅渠道拎到。


但要記住要留一線,千祈唔好人搶你又搶,同時又貪得無厭,如果你有多,都請你幫幫有需要嘅人。呢個先係我地經過八個月抗爭以嚟學到嘅其中一樣嘢,同甘共苦互相扶持,施比受更有福。


另外,我哋都會盡力去搵買口罩嘅渠道畀大家,雖然我哋都係初出茅蘆。


0 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有