甚麼是點子?香港本土經濟圈數碼營銷專家

更新日期:5月 30

點子自我介紹 - 首間In-house Digital Marketing Agency


大家可能已經係網站睇到我哋係咩人,想做咩同埋點解咁做,但係成件事開始之前,當然係要先詳細咁介紹自己。


做Digital Marketing係副業,搞本土經濟圈先係正職


我哋係Andrew同Bill,係兩個喺Marketing上志同道合嘅同事。大家認識嗰陣正好就係反送中活動時期嘅開始,咁啱又因為唔滿意公司嘅小圈子、勾心鬥角嘅風氣同制度而一齊辭職,正正係義氣仔女嘅象徵。


跟住落嚟發生嘅就同大家經歷嘅一樣,我哋同大多數人一樣都係每次都會出嚟,但係每次活動嘅晚上都會感到沮喪,同時又為自己嘅無力感感到自責。我哋思前想後,諗咗唔同嘅方法去幫助香港未來嘅活動,直到香港本土經濟圈嘅誕生。



做自己想做的又有意義,先叫做生活


做網站玩網上宣傳一直都係我哋興趣——我哋想用呢個宣傳手法,為唔同黃色社區嘅小企業家作宣傳,令更多人知道佢哋嘅存在,從而鞏固香港本土經濟圈。假如可以令到我哋嘅規模變大,我哋希望嘅係可以培訓多啲呢行嘅後輩,用黃陣嘅資源去培育更多手足,可見香港本土經濟圈並唔係紙上談兵咁簡單。


另外,我哋亦想為有夢想喺香港創業嘅你一同攜手合作,只要你想加入成為黃色陣營嘅一份子,我哋都可以成為你幕後嘅軍師,為你準備晒網上一切所需嘅宣傳同曝光機會,同你齊齊雙贏。


我諗我哋做嘅分類就唔喺到多講,大家可以留意我哋網站嘅內容。我哋主要嘅目標並非只係去賺錢,更係有感呢個時代賦予咗我哋嘅使命——我哋要用得到嘅嘢同經驗,回饋返畀我哋嘅社會,幫助更多風雨中嘅同路人。

68 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有