點子設計分享系列 Vol.1 - 淺談Logo嘅意義

最近有朋友話我少寫咗Marketing啲嘢,我哋一於又寫吓,順便sell除咗會做DM,仲會做埋Branding嘅嘢。


先嚟講吓Logo,呢個世界上,logo係一間公嘅映照,Logo可以分為3個類別﹕


文字Logo:如FedEx同Google,甚至簽名


圖案Logo:如Apple嘅蘋果、Windows嘅窗門


抽象圖形Logo:抽象多變,如Adidas ,Three Stripes可以代表唔同事情


好喇,咁開始喇喎⋯⋯

俾十秒你,諗吓logo其實係有咩意思,係有咩作用?


其實簡單去講Logo本意係文字或圖案嘅化身,本身冇帶有任何意思,係你想賦予啲咩意思上去,你想人地睇到你嘅Logo會諗起乜嘢。抽象圖形Logo好似Nike咁,其實一開始只係搵左個大學生,以80幾蚊美金去畫一個剔出嚟,而當時老闆都好唔滿意。


但係,一個Logo嘅成功並非只係設計層面,而係要配合埋品牌出嚟嘅產品,Nike嘅Marketing天才好巧妙咁將Logo放咗係運動鞋上面,再將運動員嘅成就、成就背後嘅故事串連埋一齊,經歷時間嘅洗禮,呢一剔就變左永恆嘅經典。


所以坦白咁講,Logo設計係重要,但並非喺起始階段就咁舉足輕重。Logo本意只係一個空殼,你要將意義灌注入呢個容器裏面,而價值就在於當人望到佢嘅時候,心中賦予佢嘅意思同感受。打個比喻,Logo並唔係一場過程短暫嘅跳水比賽,由起跳到入水就點到即止;而係一場比試耐力嘅1500m游水戰,過程中保持應有速度,領先對手,向住目標進發;意思就係經歷長年累月後,沉澱而得出Marketing嘅成果。


點子嘅Logo可能未必係一見難忘,不過就想本住「點子」兩個字,打入大家嘅心入面。希望喺不久將來,當大家諗起本地嘅Digital Marketing公司就會諗起我哋,再感受我哋一份堅持不懈而有Heart嘅精神。

31 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有