廢青天下~我哋都係「廢青」?

「生舊叉燒好過生你」,其實真係難聽過粗口,究竟點解會有呢啲講法?


廢青天下~我哋都係「廢青」?

由細到大,到出嚟做野,都不斷聽到廢青呢個詞語,不論係自己俾人話,抑或係身邊嘅朋友,都無一幸免。


到今時今日都仍會諗起,相信大家都可能同一諗法,所以我哋總括出3個重點,覺得可以同大家分享吓。


一、用努力換取成就


以今日嘅標準嚟講邊個唔係「廢青」?

通常講出「廢青」都係上一輩嘅人(絕對唔係所有人),而佢哋嘅共同點就係用努力換取今日嘅成就,我哋當然係好佩服佢哋嘅努力。


但現今香港社會,用同一樣嘅努力未必換到成就,依家資訊比以前流通,但競爭性相對又大,所以機會比以前少。

可能因為咁,佢哋會覺得我地唔願努力,亦冇乜成就,但我哋呢一代人,好在乎理想,更想用雙手去創建未來。正所謂計劃趕不上變化,太努力喺一件事上未必有成果。


二、教育的洗禮


「批判性思考」(Critical thinking)

香港喺80年代開始將教育普及化,令唔同年代嘅人喺價值觀上有出入。對於上一輩嘅人嚟講(絕對唔係所有人),花樣多變就等於唔生性,做事態度馬虎。而教育制度授矛我哋係完全相反嘅批判性思考,做事要分清對錯,切忌盲目去相信,先入為主嘅思維模式已經過時。


如果我係佢哋,我一定會俾空間年輕人去進步,而唔會用自己生活咗幾十年嘅價值觀套喺人哋身上,要明白年代唔同,生活環境就唔一樣,就好似 64-bit Office 裝喺 32-bit Windows上,未開都知會死。


我哋唔係讚頌教育,只係因為有咗教育後,大家喺同一件事上,已經有唔同嘅出發點,結論當然唔會一樣。

三、用人生經驗衡量別人


「食鹽多過你食米」,呢句說話難聽過粗口,觀念傳統之餘仲令人好難受,但好多人好中意用人生經驗「大人」,話你唔識野。人生經驗係重要嘅,但如果用呢個態度去檢視其他人就真係有問題,唔通自己無後生過?


成長至今 任何事情都總有第一次而且大家嘅成長上所碰到嘅事都唔一樣,又點可以咁樣去比較好壞呢?

我哋覺得香港人要進步,首先改變自己嘅諗法,好多人會好易去睇低人哋,咁樣無擬係令自己退步。因此,與其保留上一代唔好嘅文化,不如用自己力量改變社會風氣,係未成為「廢老」前,先成為「傑青」,到時候「廢青」呢個詞語就會永遠消失。

15 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有