點子初心分享系列 Vol.3 – 掌握工作節奏嘅重要性

更新日期:6月 13

最近點子都好忙,雖然我哋只係得兩個人,但就算大家幾似都好都總會有唔同性格,唔同性格亦會有唔同嘅做嘢節奏,所以要掌握大家嘅節奏都唔係一件易事。到實際做嘢嘅時候有時又可能會失方寸,令到大家產生磨擦。


所以今日想同大家分享控制節奏嘅幾個要點﹕

  1. 溝通﹕保持良好同密切嘅溝通非常重要,要知道大家所想先可以達到最好嘅效果。如果覺得對方唔啱就要盡早出聲,因為只有溝通先可以搵到解決方法。

  2. 工作效率﹕唔好以為做得快就一定係好,用時間去諗清楚先去做可能會令件事更理想,因為好嘅開始真係成功嘅一半。

  3. 合作伙伴﹕對方雖然係可以同你出生入死嘅好兄弟,但都係人。每個人本身都有自己嘅節奏,一定要學識體諒同欣賞,只會挖伙伴缺點嘅合作關係絕對唔會長久。

  4. 工作分配﹕唔好睇少工作分配,如果做得唔好,好多嘢都要返手再做。其實呢點同溝通一樣,工作都係需要有商有量去達成共識,而唔係一言堂去決定晒所有嘢,有討論先有進步。


所以幾時都話,就算幾忙都好,人真係要喺唔同時間入面反省自己。如果做得唔好,就反省吓點樣做好佢;如果做得好,就再深入諗吓點先可以做得更好。所以人生真係好忙㗎,手足加油!

0 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有