點子初心分享系列 Vol.4 – 做自己嘅「人生設計師」

每個人都總會有迷失嘅時候,唔知道前面嘅方向應該點行先好。或者你都可能正處於呢種狀態,其實有時轉一轉,諗一諗,好多時都會有返個大方向。喺度同大家分享以下幾點:

1. 對事物帶有好奇心

  • 每件事都總會有佢有趣嘅地方,要設計得好玩,關鍵在於你嘅好奇心。帶住好奇心睇呢個世界,生活就會變成一種採索,充滿好玩嘅地方。最重要嘅係,好奇心會令人發掘到前所未見嘅嘢,打破困局。

2. 勇於嘗試

  • 積極行動可以令人唔再卡住喺死胡同,與其不斷諗同擔心前面條路應該要點行,最實際都係行動。呢度試吓,嗰度試吓,唔得試到得,路係人行出嚟,總會有解決到嘅辦法。

3. 重申問題框架

  • 改變同轉換一下視點,基本上可以解決到問題所在嘅徵結位。直接啲講就係確認當中遇到嘅問題,真係應該要解決嘅問題。

4. 過程好重要

  • 知道過程係必須,就唔會沮喪,唔會迷失,唔會放棄。寫低你心目中遇到嘅問題、煩惱位、點子同期盼,問自己係咪知道下一步應該點做。過程中,重點係要適時「放手」,放低 一啲一開始你覺得好好嘅idea,因為有時就係無謂嘅堅持,拖慢咗之後嘅發展。

5. 合作精神

  • 積極搵人合作,可以令自己喺過程中唔會孤單。搵個會支持你嘅人,傾吓目前遇到嘅困難。同自己講你唔係一個人,透過團隊通力合作,達致成功。


透過設計思考,創造出有意義又快樂嘅人生。藉住現今世上嘅先進科技、產品、空間嘅設計思考,打造專屬你自己嘅事業同生活。活出有趣、創意無限、生產力十足、永遠有驚喜喺前面等你嘅人生。

70 次瀏覽

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有