點子初心分享系列

更新日期:5月 29

雖然點子創業上只係初哥,但呢幾個月都有少少感受想分享畀同路人,大家可以當係一個做網上宣傳/網上生意少少參考,同時亦歡迎同路人提出指點。我哋今次篩選咗5個網上創業要點同大家分享,全部都出自肺腑


  1. 網上生意唔係門市,所以唔會有自然人流(門市舖頭喺街邊,路人見到會自己入嚟),如果你唔係賣緊供應緊絀產品/服務,係需要一段長時間去建立品牌、捕捉顧客對你信任,以至最後肯畀錢去買你嘅產品

  2. 網上宣傳唔係一朝一夕事,好多人以為網上做廣告好平,會好快有成效,呢個觀念係需要糾正。除非你產品真係平到成個香港都搵唔到,如果唔係,係需要時間、耐性去諗點做好Online Marketing,令自己突圍而出。

  3. 網上廣告唔係街上Billboard,網上落廣告個概念係投資唔係開支(當然限於用專業嘅角度去落廣告),所以落廣告收唔返錢唔代表無得着。背後其實係可以好好學習你客人行為口味、改善網站不足、接觸並了解唔肯幫襯你客戶,廣告係令你了解市場渠道之一。

  4. Facebook、Google、Carousell真係好方便,唔駛錢之餘仲好易賺到Exposure,大家可以隨時擺產品上去賣,但要注意嘅係拎到嘅客戶數據都係佢地,你要拎住自己生意數據,就一定要有網站。只有網站先係自己,流量同顧客都係記錄網站上。

  5. 最後,決心好重要!生意諗法、Business Model都好重要!但更重要係耐性、毅力同堅持,所以要訂立長遠目標先可以令自己跑得更有快同持久,最後成為勝利者!


呢篇文除係同大家分享,亦都同時提醒我自己都要Keep住提醒自己乜野先係重要,一齊加油啊手足!

聯絡點子

想收到點子的最新消息及資訊,請立即訂閱我們的電子通訊。
  • White Facebook Icon
  • 白色的Instagram圖標

© 2020 Powered by 點子

Proudly created with passion
版權所有